Материалы отфильтрованы по дате: Пятница, 01 Октябрь 2021

Пятница, 01 Октябрь 2021 09:09

Жаңы дайындоо!

Ош шаардык жаштар иштери боюнча комитетинин төрагасы Иззат Берхмаматов Түркияга билим алууга кетип жаткандыгына байланыштуу кызматын тапшырып, ордуна аталган комитеттин башкы адиси Жаныш Жусупбеков убактылуу дайындалды. Тийиштүү буйрукка Ош шаарынын мэри Алмаз Мамбетов кол койду.

Берхмаматов Иззат Холмахаматович "TURKIYE BURSLARI" программасынын алкагында докторантурага 4 жылдык окууга кеткендиги үчүн кызмат ордун тапшырган.

Конкурстук тандап алууга чейин Ош шаардык жаштар иштери боюнча комитетинин төрагасынын милдетин Жаныш Жусупбеков аткарат.

Жарыяланган категория Жаңылыктар

Подробнее ...

Пятница, 01 Октябрь 2021 09:05

Ош шаарында эл аралык карылар күнү белгиленип жатат

Бүгүн, 1- октябрь Эл аралык карылар күнүнө карата Ош шаардык мэриясынын, шаардык мекеме ишканалардын кызматкерлери, социалдык өнүктүрүү башкармалыгынын адистери менен биргеликте 100 жылдан ашык өмүр сүрүп жаткан карылардан кабар алып, майрамы менен куттукташты.

Вице-мэр Венера Рыскулова шаардагы "Боорукердик" үй интернатында жашаган каарыларга урмат- сый көрсөтүп, Ош шаарынын мэри Алмаз Мамбетовдун атынан карылар күнү менен куттуктады.

Вице-мэр арыялардын айткан кеңеши менен берген батасы мамлекеттеги туруктуулуктун, бакубат жашоонун өбөлгөсү экенин белгилеп, аларга Ош шаарынын мэриясынын белектерин тапшырды.

Ош шаарынын мэри Алмаз Мамбетовдун демилгеси менен шаарда жалгыз бой, кароосуз калган улгайган адамдарга материалдык жардам катары 150 миң сом акча каражаты бөлүндү.

Айта кетсек, Ош шаарында Эл аралык карылар күнүнө карата бир айлык жарыяланган. Анын алкагында улгайгандардан кабар алып, акчалай жана баалуу белектер тапшырылды. Ошондой эле, Ош шаарынын мэриясынын колдоосу менен социалдык өнүгүү башкармалыгында 15-сентябрдан 15-октябрга чейин “Ачык эшиктер” акциясы уюштурулат. Анда шаардагы баардык кары-картандарга ар тараптуу маалыматтар берилип, колдоо көрсөтүлөт.

Жарыяланган категория Жаңылыктар

Подробнее ...