Материалы отфильтрованы по дате: Среда, 12 Январь 2022

Среда, 12 Январь 2022 16:52

Ош шаарынын мэри шаардыктар менен жолугушуусун баштады

Ош шаарынын мэри Алмаз Мамбетов 2022-жылдын бюджетин бекитүүгө чейин ар бир муниципалдык аймактык башкармалыктарга барып, жашоочулардын үнүн угуп чыгат. Алгачкы жолугушуу бүгүн, 12-январда Курманжан-Датка аймактык башкармалыгында өтүп, ага тийиштүү жетекчилер, 200гө жакын тургундар катышты.

Алгач 2021-жылда аталган башкармалыкта аткарылган жумуштар боюнча отчет берилди. Шаар башчы жергиликтүүлөрдүн көйгөйүн угуп, жолугушуу суроо-жооп иретинде улантылды.

Курманжан-Датка муниципалдык аймактык башкармалыгында ички жолдордун абалы начар экени, көп кабаттуу үйлөрдүн арасындагы жолдордун сапаты, балдар аянтчаларынын жетишсиздиги, тротуарлардын жоктугу, мектептердеги спорт зал, жылуулук, тазалык, канализация маселелери айтылды.

Алмаз Мамбетов бул жылы тротуарларды курууга өзгөчө басым жасала турганын билдирди. Алдыда мында айтылган айрым проблемаларды шаар казынасынын абалына жараша чечүү аракети көрүлөт. Ал эми кээ бир көйгөйлөрдү мэрия менен жашоочулар биргеликте жөнгө салуу демилгеси да көтөрүлүүдө.

#Ош_мэрия

#Алмаз_Мамбетов

Жарыяланган категория Жаңылыктар

Подробнее ...

Среда, 12 Январь 2022 12:07

Ош шаарында коомдук коопсуздукту жана укук тартибин камсыздоо маселелери талкууланды

Бүгүн, 12-январда Ош шаарынын мэриясында укук коргоо органдарынын жетекчилеринин, мамлекеттик мекемелердин жана муниципалдык аймактык башкармалыктардын башчыларынын катышуусунда жыйын өттү. Анда коомдук коопсуздукту жана укук тартибин камсыз кылуу, жарандардын күнүмдүк турмуштагы маселерин чечүү көйгөйлөрү көтөрүлдү.

Жыйында шаардын калкына кызмат көрсөтүүнүн сапатын жакшыртуу, жашоочулардын суроо-талаптарына жеткиликтүү көңүл бурууга басым жасалды. Азык-түлүккө болгон базар бааларын көзөмөлдөө, соода жайларында, базарларда салык мыйзамдарынын сакталышын камсыздоо жагы да айтылды. Жыйындын катышуучулары Ош шаарынын социалдык-экономикалык абалына байланыштуу пикир алмашты. Соңунда шаар башчы бул маселелер боюнча биргеликте аракеттенүүнү күчөтүү, мыйзам талаптарын сактоо зарылдыгын белгиледи.

Жарыяланган категория Жаңылыктар

Подробнее ...

Среда, 12 Январь 2022 12:06

Ош шаарында акын жана композитор Рыспай Абдыкадыров эскерилди

Бүгүн, 12-январда Ош шаарында белгилүү акын жана композитор Рыспай Абдыкадыровдун туулган күнүнө карата эскерүү иш-чаралары өттү. Ага Ош шаарынын мэриясынын, Президенттин Ош облусундагы өкүлчүлүгүнүн өкүлдөрү, чыгармачыл инсандар, жазуучулар, Ош облустук филармониясынын жамааты, журналисттер, окуу жайлардын өкүлдөрү жана жарандар катышты. Иш-чаранын алкагында Абдыкадыровдун ысымы ыйгарылган Ош облустук филармониясынын жанындагы эстеликтин алдында митинг-реквием өтүп, гүл коюлду.

Мында чогулгандар Рыспай Абдыкадыровдун улуттук маданиятты жана искусствону өнүктүрүүгө кошкон салымын баса белгилешти. Мындан сырткары филармониянын өнөр адамдары маркумдун ырларын аткарышты.

Эске сала кетсек, Рыспай Абдыкадыров 1941-жылы 12-январда Ош облусуна караштуу Кара-Кулжа районунда туулган. 1994-жылы 12-сентябрда көз жумган. Маркум Кыргыз Республикасынын Эмгек сиңирген артисти, 200дөн ашык ырдын автору.

Жарыяланган категория Жаңылыктар

Подробнее ...