Версия для печати
Четверг, 31 Август 2017 23:04

Ош шаарында Эгемендүүлүктүн 26 жылдыгы жогорку деңгээлде белгиленди

31-август күнү Ош шаарында Кыргыз Республикасынын көз карандысыздыгынын 26 жылдыгына карата уюштурулган чоң программадагы концерттик иш-чара жогорку деңгээлде өттү. Маданий салтанатка КРнын Премьер-министри Сапар Исаков, Президенттик аппараттын башчысынын биринчи орун басары Акрам Мадумаров, Ош шаарынын мэри Айтмамат Кадырбаев, шаардык кеңештин төрагасы Жапарбек Ормонов, шаар тургундары, коноктору жана жаштар келип, күбө болушту.

Өкмөт башчы Сапар Исаков Эгемендүүлүк күнү Кыргызстан үчүн эбегейсиз мааниси чоң майрам экендигин баса белгиледи.

“Кыргыз Республикасынын көз карандысыздыгын алуу үчүн кылым кезген жол бастык. Биздин элдин кайратмандыгы, эрктүүлүгү, сабырдуулугунун арты менен саясий жана экономикалык кыйын кырдаалдарды жеңдик. Учурда мамлекетибиз көз карандысыз, деморктиялык, экономикалык жактан гүлдөп өсүп жаткан өлкө”,- деди С.Исаков.

Шаар башчысы Айтмамат Кадырбаев сөз сүйлөп, учурда Кыргызстан- дүйнө мамлекеттеринин катарында эркин жана демократиялык өлкө катары өз ордун таба алгандыгын белгилеп, анын ичинде Ош шаары да жыл өткөн сайын өсүп өнүгүп жаткандыгына токтолду. Ошондой эле, мындан ары да шаардын эли эркиндиктикте, тынчтык ынтымактуулукта бейпил турмуш кечирүүсү үчүн баардык иш аракеттер жумшалат деп кошумчалады.

Салтанаттуу иш-чаранын алкагында борбордук аянтта улуу тарыхты, ата-бабалар басып өткөн жолду чагылдырган таетрлаштырылган көрүнүштөр орун алды. Ошондой эле белгилүү эстрада жылдыздарынын, бий топторунун коштоосунда концерттик программа болду. Андан соң, майрамдык фейерверк атылып, жаштар үчүн бий кечеси менен жыйынтыкталды.

Белгилей кетсек, майрамдык иш-чарага 10 миңден ашуун адам күбө болду.

Окулду 21938 жолу

Билдирүү кошуу


Сыр сөз
Жаңылоо