Бүгүн, 12-декабрь күнү Ош шаарынын Таатан соода борборунда Кытай Эл Республикасынын Фошань шаарында өндүрүлгөн курулуш жана жасалгалоо материалдарынын көргөзмөсүнүн ачылышы болду.

Бүгүн, 12-декабрь күнү Ош шаарынын мэри Таалайбек Сарыбашов Кытай Эл Республикасынын Фошань шаарынын вице-мэри Цяо Юй баштаган делегацияны кабыл алды. 

Ош шаарынын мэри Таалайбек Сарыбашов Төлөйкөн кичи районуна курулуп жаткан сквердин курулушу менен таанышты.

Эс алуучу жай Б. Осмонов көчөсүнүн чыгыш тарабындагы №12 көп кабаттуу үйдүн аркасындагы мыйзамсыз курулуштар алынып салынгандан кийин курула баштаган. Курулуш иштерин мэр менен шаардагы ишкерлердин сүйлөшүүсүнүн жыйынтыгында “Золотой квадрат” курулуш компаниясы колго алган. Шаар башчысы ишкерлерди шаардын инфраструктурасын жакшыртууга өз каалоолору менен көмөк көрсөтүүгө чакырган.

Бүгүн, 11-декабрда Ош шаарынын мэри Таалайбек Сарыбашов кичи скверлердин курулуш иштери менен таанышып чыкты. 

Шаар мэринин протоколдук тапшырмасы менен Кулатов кичи районунун Кулатов-5 көп кабаттуу үйүнүн жана Черемушки кичи районундагы Абдыкадыров көчөсүндөгү №195- көп кабаттуу үйдүн сырты боёлуп, артына кичи скверлер курулууда. 
Буга чейин аталган көп кабаттуу үйдүн айланасы мыйзамсыз курулуштардан бошотулуп, жашылдандыруу тапшырмасы берилген. 
Калаа башчысы көп кабаттуу үйдүн айланасын жеке тараптар тосуп алууга акысы жок экенин айтып, мыйзамсыз курулуштарды алып салуу иштери уланууда. 
“Шаарды иретке келтирүү иштери уланат. Мыйзамсыз курулуштардан бошотулган жерлерге тротуар курулуп, жашылдандырылат. Алынып салынган курулуштардын, тосмолордун ордуна тротуар, веложол жана жашылдандыруу иштери болуш керек. Биз буздуруу менен чектелбей, жалпы шаардыктардын кызыкчылыгы үчүн адамдарга шарт түзүшүбүз керек. Шаар шаардай болгону жакшы”,-деди мэр.

Бүгүн, 10-декабрда Ош шаарынын мэри Таалайбек Сарыбашов Кыргызстандагы Дүйнөлүк Банктын шаарларды өнүктүрүү боюнча адиси Манжуша Рай айымды кабыл алды. Жолугушууга Испаниялык “Экосистема Урбано” ишканасынын өкүлдөрү Хосе Луис Вальехо, Хорхе Толедо жана мэриянын тиешелүү бөлүм башчылары да катышты. Жолугушууда дүйнөлүк банк тарабынан региондорду өнүктүрүү боюнча даярдалып жаткан долбоорлор талкууланды.

Бүгүн, 11-декабрь күнү Ош шаарынын мэриясында Кыргызстандын Кызыл Ай Коомунун Ош облусундагы өкүлчүлүгү тарабынан өзгөчө кырдаалдарга даярдык көрүү мүмкүнчүлүктөрүн жогорулатуу багытында атйын жыйын болуп өттү. Ага Ош шаарынын вице-мэри Асылбек Топчубаев, Кыргызстандын Кызыл Ай Коомунун Ош облусундагы өкүлчүлүгүнүн директору Азамат Сабиров, ӨКМ Ош шаары боюнча башкармалыгынын Жарандык коргоону бөлүмүнүн башчысы Нурбек Исмаилов, аймактык башкармалыктардын төрага, төрайымдары жана шаар тургундары катышты.

Бүгүн, 30-ноябрь күнү Ош шаарында ТҮРКСОЙ уюмунун Туруктуу Кеңешмесинин 37-отуруму жыйынтыкталып, анын алкагында түрк тилдүү мамлекеттердин кызматташуусун арттыруу багытында келишимдер түзүлдү.

Бүгүн, 29-ноябрь күнү Ош шаарынын “Ак ниет” эс алуу багына «Түрк дүйнөсүнүнүн маданий борбору» эл аралык долбоорунун алкагында ТҮРКСОЙ стеласы орнотулду.

Салтанаттуу иш-чарага Ош шаарынын мэри Таалайбек Сарыбашов, Кыргыз Республикасынын маданият, маалымат жана туризм министри Азамат Жаманкулов, ТҮРКСОЙ эл аралык уюмунун башкы катчысы Дюсен Касеинов, Ош шаардык кеңешинин төрагасы Жапарбек Ормонов, Өзбекстан, Азербайджан, Казакстан, Түркменстан, Түркия мамлекеттеринин маданият министрлеринин орун басарлары, ТҮРКСОЙ эл аралык уюмунун өкүлдөрү катышты.

Ош шаарынын мэри Таалайбек Сарыбашов Түрк тилдүү мамлекеттердин достугу жана биримдиги дал ушул стела аркылуу түбөлүк сакталып калсын деген ниетте тургузулгандыгын билдирди.

Айта кетсек, «Түрк дүйнөсүнүнүн маданий борбору» эл аралык долбоорунун алкагында ТҮРКСОЙ стеласынын курулушу жергиликтүү бюджеттен каржыланган. Белгилей кетсек, 2018-жылдын 18-декабрында Туркиянын Кастамону шаарында өткөн ТҮРКСОЙго мүчө өлкөлөрдүн Туруктуу Кеңешинин 36-отурумунда байыркы Ош шаары бир добуштан түрк дүйнөсүнүн маданий борбору деп кабыл алынган.

Бүгүн, 30-ноябрь күнү Ош шаарында ТҮРКСОЙ эл аралык уюмуна мүчө өлкөлөрдүн Маданият министрлеринин туруктуу кеңешинин 37- отуруму өтүүдө. Ага Ош шаарынын мэри Таалайбек Сарыбашов,  Кыргыз Республикасынын маданият, маалымат жана туризм министри Азамат Жаманкулов,  ТҮРКСОЙ эл аралык уюмунун башкы катчысы Дюсен Касеинов, Ош шаардык кеңешинин төрагасы Жапарбек Ормонов, Өзбекстан, Азербайджан, Казакстан, Түркменстан, Түркия мамлекеттеринин маданият министрлеринин орун басарлары, ТҮРКСОЙ эл аралык уюмунун өкүлдөрү катышууда.

Ош шаарынын мэри Таалайбек Сарыбашов келген конокторго ыраазычылык билдирип, 2019-жылы “Ош-түрк дүйнөсүнүн маданий борбору” долбоорунун алкагында өткөн иш-чаралар  туурасында айтып өттү.

“Байыркы Ош шаары “Түрк дүйнөсүнүн маданий борбору” наамын татыктуу иш жүзүнө ашырып, эстафетаны өз дэңгээлинде өткөрүп берүү алдында турабыз. Бир жыл аралыгында каада салт, үрп-адаттар камтылган маданий иш-чаралар уюштурулуп, түрк тилдүү мамлекеттердин илимпоздору, окумуштуулары, адабиятчылары, чыгармачыл топтордун катышуусунда илимий-конференциялар, сүрөт көргөзмөлөрү уюштурулду. Жемиштүү жылдын ири долбоору жыйынтыгына чыгуу алдында турат. Биз ытымак, биримдик, достук мамилеге жана кызматташууларга жетише алдык”-деди Таалайбек Сарыбашов.

Белгилей кетсек, 2018-жылдын 18-декабрында Туркиянын Кастамону шаарында өткөн ТҮРКСОЙго мүчө өлкөлөрдүн Туруктуу Кеңешинин 36-отурумунда байыркы Ош шаары бир добуштан түрк дүйнөсүнүн маданий борбору деп кабыл алынган.

Бүгүн, 29-ноябрь күнү Ош мамлекеттик университетинде “Түрксой” эл аралык уюму тарабынан каржыланып, өзбек тилине которулган “Манас” эпосунун бет ачар аземи болду. Ага Кыргыз Республикасынын маданият, маалымат жана туризм министри Азамат Жаманкулов, Ош шаарынын вице-мэри Нурбек Кадыров, Өзбек Республикасынын маданият министринин орун басары Камола Акилова, “Түрксой” эл аралык уюмунун өкүлдөрү, адабият таануучулар, илимпоздор, окумуштуулар жана студенттер катышты.

Ош шаарынын вице-мэри Нурбек Кадыров “Ош-түрк дүйнөсүнүн маданий борбору” аттуу иш-чаранын жабылуу аземине арналган иш-чараларынын башталышы “Манас” эпосуна арналып жаткандыгы чоң жышаан экендигин белгилеп, бул чыгарма элибиздин руханий табылгаларынын негизгилери, басып өткөн тарыхый жолунун орчундуу окуяларын чогултуп, укумдан-тукумга өтүп келген улуу мурасы, улуттук сыймык деп кошумчалады.

“Манас” эпосун өзбек тилине которгон адабият таануучу Зухриддин Исомиддинов Түрк тилдүү мамлекеттердин биримдиги, кызматташуусу чыгармаларды которуп жайылтып, үрп-адаттарды жана маданиятты көрсөтүү аркылуу чыңала тургандыгын айтты. Айта кетсек, Өзбек тилине которулган эпос Бексултан Жакиев иштеп чыккан «Манас» эпосунун кыскартылган варианты.

Ал “Түрксой” эл аралык уюму тарабынан каржыланып, басылып чыккан. Иш-чаранын алкагында, студенттер манас айтып, өз өнөрлөрүн тартуулашты. Ошондой эле, Бабур атындагы музыкалык драма театрынын чыгармачыл тобу тарабынан “Манас” спектакли орун алды.

Белгилей кетсек, 2018-жылдын 18-декабрында Туркиянын Кастамону шаарында өткөн “ТҮРКСОЙго” мүчө өлкөлөрдүн Туруктуу Кеңешинин 36-отурумунда байыркы Ош шаары бир добуштан түрк дүйнөсүнүн маданий борбору деп кабыл алынган. Эртең, 30-ноябрь күнү “Ош шаары - түрк дүйнөсүнүн маданий борбору” эл аралык салтанатынын расмий жабылуу аземине карата “ТҮРКСОЙ” эл аралык уюмуна мүчө өлкөлөрдүн туруктуу кеңешинин 37-отуруму жана бир катар майрамдык иш-чаралар өтөт.