Материалы отфильтрованы по дате: Среда, 29 Декабрь 2021

Среда, 29 Декабрь 2021 14:38

Жаңы жылга жаңы мектеп

Бүгүн, 29-декабрда Ош шаарынын Орке айылындагы Чолпонбай Түлөбердиев атындагы мектептин курулушу аяктап пайдаланууга берилди. Иш-чарага мэр Алмаз Мамбетов, Сауд Аравиянын Кыргызстандагы атайын жана ыйгарым укуктуу элчиси Ибрахим бин Ради бин Абдурахман Аль-Ради, Министрлер Кабинетине

караштуу Архитектура, курулуш жана турак-жай

коммуналдык чарба мамлекеттик агенттигинин директору Токтомамбет Сатышов, шаардык кеңештин төрагасы Салман Назылбеков, жашоочулар жана мектеп мугалимдери, окуучулар катышты.

Мектеп 375 орунга ылайыкташтырылып, бардык шарттар түзүлгөн. Спорт зал, жыйындар залы, китепкана, ашкана, дарылоо кабинети, жуунуучу жайлар каралган. 2020-жылы башталган курулуш ишин Сауд өнүктүрүү фонду каржылады. Ага ылайык жаңы мектепти куруп берген тарапка шаар башчы Алмаз Мамбетов ыраазычылык баракчасын тапшырды.

Ош шаарында жалпы 55 муниципалдык мектеп бар. Анын ичинен 5 мектептин имараты авариялык абалда. 2021-жылы 2 мектеп жаңы курулуп, пайдаланууга берилди. Дагы 4 мектептин курулушу республикалык бюджеттин эсебинен жүрүп жатат.

Жарыяланган категория Жаңылыктар

Подробнее ...