Исаев Марс Асанович, 1981-жылы 14-августта Ош шаарында төрөлгөн. Үй-бүлөлүү, 6 баланын атасы. Кыргыз, орус жана англис тилдерин билет. 
Ош облусунун Кара-Суу районунун, Каарман айылында 1985-жылдын 29-июлунда төрөлгөн. Yй-бүлөлүү. Кыргыз, орус тилдеринде сүйлөйт 
1988-жылдын 21-майында Баткен областынын Лейлек районуна караштуу Достук айылында төрөлгөн. Үй-бүлөлүү. Кыргыз, орус тилдеринде сүйлөйт. 
Вторник, 18 Октябрь 2022 12:36
Ошто Элдик Курултайга делегаттарды шайлоо боюнча жергиликтүү жамааттын жыйындары уланууда
Автор Пресс служба мэрии города Ош
18-октябрда Ош шаарынын жергиликтүү жамаатынын элдик курултайына делегаттарды шайлоо боюнча “Сулайман-Тоо” муниципалдык аймактык башкармалыгында жыйын өттү.
Ага Ош шаардык Кеңешинин депутаттары Нуркыз Кадырбек кызы, Дамира Абдибаева, Эмилбек Раимов, Роза Жоошбаева, Нурислам Каримовдор катышты.
Жыйындын катышуучуларынын ачык добушу менен 83 делегат шайланды.
Жарыяланган категория
Жаңылыктар
Четверг, 13 Октябрь 2022 12:34
Ош шаарында мугалимдерди кесиптик майрамы менен куттукташты
Автор Пресс служба мэрии города Ош
Бүгүн, 13-октябрда Ош шаарынын мэриясында шаардагы мугалимдерди кесиптик майрамы менен куттуктаган иш-чара өттү.
Ош шаарынын вице-мэри Венера Рыскулова мэр Алмаз Мамбетовдун атынан мугалимдерди кесиптик майрамы менен куттуктап, алардын билим берүү тармагын өнүктүрүүгө жана келечек муундарды тарбиялоого кошкон салымын белгиледи.
Ошону менен бирге, быйылкы жылы мугалимдерди кесиптик майрамы менен куттуктоо Баткен облусундагы окуяларга байланыштуу жылдырылганы, кийинки жылы салтанаттуу өткөрүлө тургандыгы айтылды.
Иш-чаранын жүрүшүндө шаардын билим берүү тармагын өнүктүрүүгө салым кошкон 70тен ашык мугалимдер Ош шаарынын мэриясынын Ардак грамоталары менен сыйланышты.
Жарыяланган категория
Жаңылыктар
Среда, 12 Октябрь 2022 12:33
Ош шаарында жергиликтүү жамааттын Элдик Курултайга делегаттарды шайлоо боюнча чогулуштарды өткөрүү убактысы жана жери белгиленди
Автор Пресс служба мэрии города Ош
Урматтуу Ош шаарынын тургундары!
Ош шаардык Кеңешинин 2022-жылдын 21-сентябрындагы №62 “Ош шаарынын жергиликтүү жамаатынын элдик курултайын өткөрүү жөнүндө” токтому менен муниципалдык аймактык башкармалыктарда жана Жапалак айылдык аймактык башкармалыгында Ош шаарынын жергиликтүү жамаатынын Элдик Курултайына делегаттарды шайлоо боюнча чогулуштарды өткөрүүнүн бекитилген графигине ылайык өткөрүү орду/жери жана убактысы такталды.
1. “Туран МАБда” 17-октябрь, саат 10:00 - Туран кичи району Королёв көчөсү, №41, Х.Абдуллаев атындагы мектебинин актовый залы.
2. “Сулайман-Тоо” МАБда 18-октябрь, саат 10:00 - Атабаев көчөсү, №9 Рудаки атындагы гимназия мектебинин актовый залы.
3. “Керме-Тоо” МАБда 19-октябрь, саат 10:00 - Т.Кулатов кичи району, №14 К.Алтыбаев атындагы мектебинин актовый залы.
4. “Манас-Ата” МАБда 20-октябрь, саат 10:00 - У.Салиева көчөсү 44 дареги, №38 Б.Алыкулов атындагы гимназия мектебинин актовый залы.
5. “Амир-Тимур” МАБда 21-октябрь, саат 10:00 - Амир-Темир кичи району, Целинная көчөсү, №1 Федченко атындагы орто мектебинин актовый залы.
6. “Курманжан-Датка” МАБда 24-октябрь, саат 10:00 - А.Масалиев кең көчөсү 37, №18 А.Навои атындагы мектебинин актовый залы.
7. “Жапалак” айылдык аймактык башкармалыгы 25-октябрь, саат 10:00 - Жапалак айылдык аймактык башкармалыгынын маданият үйү. Дареги: Керме-Тоо айылы, Араван тракт 6 км.
Урматтуу шаар тургундары, Ош шаарынын жергиликтүү жамаатынын жыйындарына/чогулуштарына активдүү катышууга чакырабыз.
Курултайдын жалпы делегаттарынын саны 500 деп белгиленген. Жарандардын жыйындарында элдик курултайга делегаттыкка талапкерлерди көрсөтүү укугуна жергиликтүү жамааттардын бардык мүчөлөрү, уюмдар, аймактык коомдук өз алдынча башкаруу органдары, саясий партиялар жана тийиштүү аймактын башка өкмөттүк эмес уюмдары ээ.
Жарыяланган категория
Жаңылыктар
Суббота, 15 Октябрь 2022 16:31
Ош шаарында “Креативдүү технологиялардын кербени” эл аралык фестивалы Чыгыш базары менен аяктады
Автор Пресс служба мэрии города Ош
Алымбек-Датка этнографиялык комплексинин аймагында “Креативдүү технологиялардын кербени” эл аралык фестивалынын алкагында Чыгыш базары иш-чарасы өттү.
Бул жерде Кыргыз Республикасынын бардык аймактарынан, ошондой эле Россия, Беларусь, Казакстан, Өзбекстандан келген фестивалдын катышуучуларынын кол өнөрчүлөрүнүн көргөзмөлөрү коюлду. Чыгыш базарынын алкагында элдик көркөм кол өнөрчүлүк боюнча мастер-класстар уюштурулду.
Иш-чаранын ачылышына КР Билим берүү жана илим министри Уланбек Мамбетакунов, Ош шаарынын вице-мэри Венера Рыскулова катышты. Фестиваль жаштардын флешмобу менен коштолуп, чогулгандар Ош палоосунан ооз тийишти.
Белгилей кетсек, Чыгыш базарынан чогулган каражат Баткен окуясында жабыркагандарга которулат.
Жарыяланган категория
Жаңылыктар
Понедельник, 17 Октябрь 2022 12:27
Ошто Элдик Курултайга делегаттарды шайлоо боюнча жергиликтүү жамааттын жыйындары башталды
Автор Пресс служба мэрии города Ош
Бүгүн, 17-октябрда Ош шаарында Элдик Курултайга делегаттарды шайлоо боюнча жергиликтүү жамааттын жыйындарын өткөрүү иштери башталды. Графикке ылайык, биринчи жыйын “Туран” МАБда өттү. Иш-чарага Ош шаардык кеңешинин төрагасы Салман Назылбеков, шаардык кеңештин депутаттары А.Айтбаев, Б.Баетов, Х.Исамова, А.Раимбердиева катышты.
Жыйындын жүрүшүндө аксакалдар, жарандык активисттер, жергиликтүү коомчулуктун өкүлдөрүнөн Элдик Курултайга 59 делегат ачык добуш берүү менен шайланды.
Белгилей кетсек, ушундай эле жыйын эртең, 18-октябрда “Сулайман-Тоо” муниципалдык аймактык башкармалыгында өтөт.
Жарыяланган категория
Жаңылыктар
Ош шаарынын жергиликтүү жамаатынын Элдик Курултайына делегаттарды шайлоо боюнча чогулуштар графикке ылайык өткөрүлүүдө. Буга чейин “Туран”, “Сулайман-Тоо” жана “Керме-Тоо” муниципалдык аймактык башкармалыктарында жыйындар өтүп, делегаттар шайланды.
Алдыда дагы башка МАБдарда иш күндөрү улантылат. Бардык жерде жыйындар саат 10:00дө башталат.
“Манас-Ата” МАБда 20-октябрь, саат 10:00 - У.Салиева көчөсү 44 дареги, №38 Б.Алыкулов атындагы гимназия мектебинин актовый залы.
“Амир-Тимур” МАБда 21-октябрь, саат 10:00 - Амир-Темир кичи району, Целинная көчөсү, №1 Федченко атындагы орто мектебинин актовый залы.
“Курманжан-Датка” МАБда 24-октябрь, саат 10:00 - А.Масалиев кең көчөсү 37, №18 А.Навои атындагы мектебинин актовый залы.
“Жапалак” айылдык аймактык башкармалыгы 25-октябрь, саат 10:00 - Жапалак айылдык аймактык башкармалыгынын маданият үйү. Дареги: Керме-Тоо айылы, Араван тракт 6 км.
Урматтуу шаар тургундары, Ош шаарынын жергиликтүү жамаатынын жыйындарына/чогулуштарына активдүү катышууга чакырабыз.
Курултайдын жалпы делегаттарынын саны 500 деп белгиленген. Жарандардын жыйындарында элдик курултайга делегаттыкка талапкерлерди көрсөтүү укугуна жергиликтүү жамааттардын бардык мүчөлөрү, уюмдар, аймактык коомдук өз алдынча башкаруу органдары, саясий партиялар жана тийиштүү аймактын башка өкмөттүк эмес уюмдары ээ.
Жарыяланган категория
Жаңылыктар
Среда, 19 Октябрь 2022 12:21
Ош шаарында социалдык кызматкерлерди кесиптик майрамы менен куттукташты
Автор Пресс служба мэрии города Ош
Бүгүн, 19-октябрда Ош шаарынын мэриясында Кыргыз Республикасынын Социалдык коргоо жана профсоюздар кызматкерлеринин күнүнө карата сыйлоо иш-чарасы болуп өттү.
Ага Ош шаарынын биринчи вице-мэри Марс Исаев катышып, социалдык кызматкерлердин ишинин татаалдыгын белгилеп, ыраазычылык билдирди.
Иш-чаранын алкагында күжүрмөн эмгеги менен айырмаланган 15ке жакын социалдык кызматкерлер Ош шаарынын мэриясынын Ардак грамоталары менен сыйланышты. Ошондой эле, бир катар социалдык кызматкерлерди Ош областтык профсоюздар комитети тарабынан куттукташты.
Кыргыз Республикасынын Социалдык коргоо жана профсоюздар кызматкерлеринин күнү жыл сайын белгиленет.
Белгилей кетсек, быйылкы жылы социалдык кызматкерлерди колдоонун алкагында Ош шаарынын мэриясы тарабынан жергиликтүү бюджеттен 3000 сом өлчөмүндө жөлөк пул бөлүнгөн. Аны менен бирге мэриянын демилгеси менен ар бир социалдык кызматкер муниципалдык коомдук транспортто акысыз жүрөт.
Жарыяланган категория
Жаңылыктар
Вторник, 18 Октябрь 2022 13:49
Мэр менен төрага курулуш компанияларынын жетекчилери менен жолугушту
Автор Пресс служба мэрии города Ош
Бүгүн, 18-октябрда Ош шаарынын мэриясында Баткен облусунда болуп өткөн окуяларда жардам көрсөткөн калаадагы курулуш компанияларын сыйлоо иш-чарасы өттү. Иш-чарага мэр Алмаз Мамбетов, шаардык кеңештин төрагасы Салман Назылбеков, облустук архитектура башкармалыгынын башчысы Алтынбек Токошев, Архитектура, курулуш жана турак жай-коммуналдык агенттигинин өкүлдөрү, Ош шаарындагы курулуш компанияларынын жетекчилери катышты.
Алмаз Мамбетов курулуш компаниялары Баткен элине каржылык жана гуманитардык жардам берүүдө четте турбай салым кошконун белгиледи. Андан соң шаардагы 30га жакын курулуш компаниялардын жетекчилерине Ош шаарынын мэриясынын ыраазычылык баракчалары жана белектери тапшырылды.
Ошондой эле жолугушуунун жүрүшүндө курулуп жаткан көп кабаттуу үйлөрдүн айланасын көрктөндүрүү жана жашылдандыруу иштерин күчөтүү, сырткы фасадына көңүл буруу, түнкү жарыктандырууларды орнотуу зарылдыгы айтылды. Калаанын борбордук бөлүгүнөн сырткары кичи райондорго жана шаардын чет жактарына көп кабаттуу үйлөрдү курууга басым жасоо маселеси көтөрүлдү.
Курулуш компаниялары бул демилгелерди кубаттады.
Жарыяланган категория
Видеорепортаждар
Вторник, 18 Октябрь 2022 13:45
Ош шаарынын кооздугун даңазалагандар сыйланды
Автор Пресс служба мэрии города Ош
Бүгүн, 18-октябрда Ош шаарынын мэри Алмаз Мамбетов калаанын кооз көрүнүшүн, өзгөчөлүктөрүн, жашоосун сүрөткө, видеого тартуу менен интернет тармагына жайылтуу аркылуу туризмдин өнүгүшүнө салым кошкондорду сыйлады. Аларга Ош шаарынын мэриясынын Ардак грамотасы жана бренди тапшырылды.
Мэр өз сөзүндө туризмдин өнүгүшүнө салым кошуп жаткандары үчүн ыраазычылыгын билдирди.
“Мен баарыңыздарга ыраазычылык билдирем. Бул иш-чараны Ош шаарынын күнүнө карата пландаганбыз. Бирок ошол учурдагы окуяларга байланыштуу өз учурунда ишке ашпай калды. Азыр баары интернет аркылуу маалымат алат. Андыктан сиздер тарткан сүрөт, видеолор, бөлүшкөн маалыматтар ички туризмдин өнүгүшүнө да салым кошууда. Мындан ары да ушул темпте, чыгармачылык аркылуу шаардын өнүгүүсүнө көмөктөшө бериңиздер”, - деп белгиледи мэр.
Аны менен катар чогулгандар шаар тургундарына жана конокторуна шарт түзүү багытында өздөрүнүн сунуштарын мэрге айтышты.
Жарыяланган категория
Видеорепортаждар
Бүгүн, 18-октябрда Ош шаарынын борбордук аянтында жаңы сатып алып келинген 50 автобусту расмий тапшыруу иш-чарасы өттү. Ага Ош шаарынын мэри Алмаз Мамбетов, шаардык кеңештин төрагасы Салман Назылбеков, “Өзбек-Кыргыз” өнүктүрүү фондунун төрагасы Азиз Аалиев, “СамАвто” автозаводунун Орто Азия өлкөлөрүнө экспорттоо тобунун башчысы Азиз Нишанбаев, автобустардын айдоочулары жана тургундар катышты.
Мэр өз сөзүндө Ош шаарындагы коомдук траснпорт тармагындагы көйгөйлөрдү чечүү багытында мэрия натыйжалуу иштерди жүргүзүүнү уланта турганын белгиледи.
“Шаардагы коомдук транспорт тармагындагы көйгөйлөрдү чечүү боюнча Ош шаарынын мэриясы ички жана сырткы инвесторлор менен ыңгайлуу шарттардагы долбоорлорду ишке ашыруу жаатында тиешелүү жумуштарды такай жүргүзүп келет. “Өзбек-Кыргыз” өнүктүрүү фонду менен алып барылган жумуштардын натыйжасында шаарыбызга Өзбекстан Республикасынын Самарканд шаарындагы “СамАвто” автозаводунун өндүрүшүндөгү ISUZU SAZ HC40 үлгүсүндөгү 50 бирдик автобус сатып алынып келинди.
Бул автобустар күйүүчү майды аз сарптагандыгы, техникалык мүнөздөмөсүнүн жөнөкөйлүгү жана баасы дагы жөндүү болгондугунан улам, биздин шаарыбыз үчүн ыңгайлуу болууда. Жаңы алынып келинген автобустар шаардыктардын суроо талаптарын эске алуу менен, эң керектүү болуп жаткан аймактарга, атайын комиссиянын иликтөөсүнүн жыйынтыгынын негизинде 4 муниципалдык каттамдарга бөлүштүрүлдү”, - деди калаа башчы.
Белгилей кетсек, автобустардын баасы 37 миң доллардан бааланган. Автобустардын ар бири 38 жүргүнчүгө ылайыкташкан. Эки күн ичинде бул автобустар линияга чыгарылат. Ал үчүн шаардын төмөнкү аймактарына 4 жаңы шаардык маршруттук линиялар иштелип чыкты: Жапалак айыл аймагы, Туран жана Амир-Тимур муниципалдык аймактык башкармалыктары.
Жаңы коомдук транспортторго да “BUS Service” мобилдик тиркемеси орнотулуп, жүргүнчүлөр жол жүрүүсүн алдын ала пландоосуна шарт түзүлдү. Автобустардын жол акысы накталай төлөм учурунда 10 сом, накталай эмес электрондук төлөм жүргүзсө 8 сом деп белгиленген.
Жарыяланган категория
Видеорепортаждар
Ош шаарынын мэри Бакытбек Жетигенов
Кайрылуулар
Өнүгүүнүн стратегиялары жана программалары
Пред
След
Муниципалдык кызматтардын базалык р…
КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2018-жылдын 5-февралы...
Муниципалдык кызматтардын стандартт…
КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2017-жылдын 9-февралы...
FB
ОК
Фоторепортаждар
Пред
След
Видеорепортаждар
Пред
След
Сурамжылоо
Сиз жашаган аймактан таштанды өз убагында алынабы?
Ооба - 53.8%
Жок - 23.1%
Ар кандай - 23.1%
Добуштардын саны:: 26