Материалдар
  1. Skip to Menu
  2. Skip to Content
  3. Skip to Footer
Facebook

Ош шаардык Кеңешинин 2022-жылдын 15-ноябрындагы № 85 “Ош шаарынын мэриясынын 2022-2025-жылдарга карата мамлекеттик социалдык заказ боюнча программасын бекитүү жөнүндө” токтомунун негизинде Ош шаарынын мэриясынын 2022-жылдын 27-декабрындагы № 605-б “Ош шаарынын мэриясыныны 2022-2025-жылдарга карата мамлекеттик социалдык заказ боюнча программасын ишке ашыруу планын бекитүү жөнүндө” буйругун аткаруу максатында Ош шаарындагы турмуштук оор кырдаалга кабылган улгайган жарандарга чачтарач жана мончо кызматтарын  көрсөтүүчүлөрдү  квалификациялык тандап алуу башталганын  жарыялайт.

Тандоого катышуу үчүн Ош шаарынын аймагында чачтарач жана мончо кызматтарын көрсөтүү менен иштеген юридикалык жактар (коммерциялык жана коммерциялык эмес уюмдар) жана жеке ишкерлер чакырылат.

Социалдык кызмат көрсөтүүнүн номиналдык наркы 1 социалдык талон менен мончо кызматын көрсөтүү - 200 сом;

Сатып алынуучу мончо кызматына төмөнкүдөй стандарттар же конкурстук талаптар белгиленет:

  • мончолордун кызматтары атайын курулган жана жабдылган имараттардын коомдук же жеке колдонуучу буу бөлмөсүндө (парилка) же ысык жайларда суунун жана ысык абанын (буунун) таасири менен денени тазалоо жана калыбына келтирүү үчүн каралган кызматтарды камтыйт;
  • курулуш же калкка түздөн-түз кызмат көрсөтүүчү жай (мончо, душ, жуунуу жана эс алуу комплекстери) мүмкүнчүлүгү чектелген жана керектөөчүлөрдүн башка аз мобилдүү топторундагы адамдар үчүн жеткиликтүү болушу керек;
  • мончонун имараты суу түтүгү, саркынды суу каналы, жылытуу, желдетүү жана ысык суу менен камсыз болушу керек;
·       мончо кызматтарын көрсөтүүдө  тейлүүчү кызматкерлер коопсуздук талаптарын аткарууга, тейлөө эрежелерин, мончону эксплуатациялоо боюнча нормаларды сактоого тийиш;
·       Ош шаарында башка филиалдары бар жактарга артыкчылык берилет.
 

Социалдык кызмат көрсөтүүлөрдү берүүчүлөргө карата квалификациялык талаптар төмөнкүдөй:

1) социалдык талондор аркылуу көрсөтүлө турган социалдык кызмат көрсөтүү чөйрөсүндө бир жылдан кем эмес иш тажрыйбасынын болушу;

2) Мамлекеттик салык кызматында жана Социалдык фонд башкармалыктарында юридикалык жак же жеке ишкер катары каттоонун болушу;

3) мамлекеттик социалдык камсыздандыруу боюнча камсыздандыруу төгүмдөрү менен салыктар боюнча карыздын жоктугу;

4) банк эсебинин болушу;

 

Социалдык кызмат көрсөтүүнүн номиналдык наркы:

1. Аялдарга чач кырктыруу кызматы үчүн 1 социалдык талон - 250 сом;

2. Эркектерге чач кырктыруу кызматы үчүн 1 социалдык талон - 150 сом.

 

Сатып алынуучу чачтарач кызматына төмөнкүдөй стандарттар же конкурстук талаптар белгиленет:

  • Чач тарачта кызмат алуучунун өмүрүнүн жана ден соолугунун коопсуздугу, санитардык-гигиеналык жана технологиялык талаптар камсыздалышы керек.
  • кызматкердин чебердик жана коопсуздук талаптарын, тейлөө эрежелерин жана санитардык нормаларды билишин, кесиптик деңгээлин тастыктаган документ;
  • тиешелүү кызматтарды көрсөтүү үчүн технологиялык жабдуулардын, шаймандардын жана материалдардын болушу;
  • кызмат көрсөтүү Ош шаарынын аймагында мекемеде (стационарда), же үйүндө уюштурулушу керек.

Тандоого катышуу үчүн юридикалык жактар жана жеке ишкерлер квалификациялык тандоого катышууга арыз тапшырышы керек (1-тиркеме).

Юридикалык жактардын жана жеке ишкерлердин арыздары Этот адрес электронной почты защищен от спам-ботов. У вас должен быть включен JavaScript для просмотра. электрондук почтасы аркылуу, же Ош шаарынын мэриясынын социалдык өнүгүү бөлүмүндө (114-кабинет) кабыл алынат.

Суроолор пайда болгон учурда 0 3222 5-50-66, 0558 939 033 телефондору боюнча кайрылсаңыздар болот.

Квалификациялык тандоого катышуу үчүн арызды жана документтерди берүүнүн акыркы мөөнөтү: 2023-жылдын 2-март күнү, саат 17:00гө чейин.

 

 Коомдук пайдалуу долбоорлор конкурсуна катышууга коммерциялык эмес уюмдардын консорциумунун

АРЫЗЫ

 

Арыз берүүчү тууралуу маалымат

  1.  

Консорциумдун атынан иштөөгө ыйгарым укуктуу уюмдун аталышы жана анын жетекчиси

 

  1.  

Ыйгарым укуктуу уюмдун жайгашкан жери (почталык дареги)

 

  1.  

Ыйгарым укуктуу уюмдун телефон/факс номери/электрондук почтасынын дареги

 

  1.  

Ыйгарым укуктуу уюмдун жетекчисинин уюлдук телефон номери

 

  1.  

Консорциумдун калган мүчөлөрүнүн уюштуруу-укуктук формасы, аталышы, почта дареги, телефон номери, электрондук почтанын дареги

 

Сунушталуучу долбоор

 

Конкурстун темасы

 

 

Сунушталган долбоорлоо сунушунун темасынын аталышы

 

 

Тиркеме:

1) ___________________________________________

2) ___________________________________________

3) ___________________________________________

 

Ыйгарым укуктуу уюмдун жетекчиси

______________________________
Уюмдун жетекчисинин аты-жөнү, колу

 

20__-ж. "__" ______________

арызга кол койгон күн

М.О.

Бүгүн, 9-февралда Ош шаарынын мэриясында 2023-жылдын бюджетинин долбоору боюнча коомдук угуу болуп өттү.

Бюджеттик кодекске ылайык, Ош шаардык мэриясынын жана Ош шаардык кеңешинин демилгеси менен коомдук пикирди изилдөө, сунуштарды кабыл алуу жана калктын кызыкчылыгын эске алуу менен чечимдерди кабыл алуу максатында өткөрүлдү.

Коомдук бюджеттик угууга шаардык кеңештин төрагасы Салман Назылбеков, Ош шаарынын биринчи вице-мэри Марс Исаев, бюджет боюнча туруктуу депутаттык комиссиянын төрагасы Эсенбек Арзиев, шаардык кеңештин депутаттары, мекеме-ишканалардын жетекчилери, катышты. бардык шаардык уюмдар, мекеме-ишканалар, МАБ башчылары, жарандык сектордун өкүлдөрү, коомдук жана өкмөттүк эмес уюмдар, активисттер жана тургундар катышты.

Иш-чаранын алкагында Ош шаарынын 2023-жылга бюджетинин долбоору жөнүндө бюджет боюнча туруктуу депутаттык комиссиянын төрагасы Эсенбек Арзиев баяндама жасап, бюджеттин долбоорунун артыкчылыктуу багыттары, анын негизги багыттары боюнча кеңири маалымат берди.

Жыйындын жүрүшүндө жарандык сектордун өкүлдөрү сөз сүйлөп, шаардыктар өз сунуштарын айтышты. Калаанын алыскы кичи райондорунун инфраструктурасын өнүктүрүү, жолдорду, арык тармактарын, таза суу жана канализацияны реконструкциялоо, ден соолугунун мүмкүнчүлүгү чектелген жарандарга тиешелүү шарттарды түзүү, ипотекалык турак-жай алуу, турак жайларды, тротуарларды куруу боюнча маселелер көтөрүлдү.

Шаардык кеңештин төрагасы Салман Назылбеков шаардыктардын бардык кайрылууларын эске алып, алардын сунуштарын шаардык кеңештин депутаттарынын кезектеги сессиясынын күн тартибине киргизүүнү тапшырды.

Ошондой эле, 2022 жана 2023-жылдарга бюджеттин жарандык анализи боюнча “Интербилим” ААКнын Ош филиалынын жетекчиси Гүлгакы Мамасалиева баяндама жасады.

2023-жылга жергиликтүү бюджеттин кирешелеринин көлөмү (бюджеттик мекемелердин атайын каражаттарын кошкондо) 2022-жылдын бекитилген бюджетине салыштырмалуу 156,8 %га өстү же 908 796,2 миң сомго көбөйүп, 2 509 306,2 миң сомду түздү.

Анын ичинен:

- салыктык кирешелер 2 023 126,2 миң сомду (жалпы бюджеттин 80,7%) түзөт;

- салыктык эмес кирешелер 356 180 000 сом (жалпы бюджеттин 14,1%);

- бюджеттик мекемелердин атайын каражаттары 130 000,0 миң сомду (жалпы бюджеттин 5,2%) түзөт.

2023-жылга бюджеттин чыгаша бөлүгү атайын каражаттарды кошкондо 2509306,2 миң 2 сомду түзүп, 2022-жылга салыштырмалуу 908796,2 миң сомго көбөйгөн. 2023-жылдын бюджетинин чыгаша бөлүгү тармактар боюнча төмөнкүдөй сунушталат:

- жалпы багыттагы коммуналдык кызматтар - 15,7%;

- коргонуу - 0,3%;

- экономикалык маселелер - 19,6%;

- турак жай-коммуналдык чарба - 36,2%;

- маданият жана спорт - 6,7%;

- билим берүү - 20,4%;

- социалдык коргоо - 1,1%.

Бүгүн, 9-февралда Ош шаарынын мэриясында калаадагы бардык курулуш компанияларынын жетекчилери менен жыйын өттү. Иш-чарага Ош шаарынын мэри Бакытбек Жетигенов, шаардык кеңештин төрагасы Салман Назылбеков, тиешелүү мамлекеттик жана муниципалдык кызматтардын, мекеме-ишканалардын жетекчилери катышты.

Жыйындын жүрүшүндө шаар куруу жана архитектура боюнча аймактар аралык башкармалыгынын башчысы Алтынбек Токошев шаардын деталдык планын бекитүү боюнча иштердин бүткөрүлүшүнө, ошондой эле Түркиядагы акыркы окуяларга байланыштуу шаардын аймагында орун алган тектоникалык бузулууларга токтолду.

Бакытбек Жетигенов курулуш тармагы шаардын өнүгүүсүнүн локомотиви болуп саналаарын жана Ош шаарынын мэриясы курулуш компанияларына керектүү уруксаттарды берүүдө мыйзам чегинде көмөк көрсөтөөрүн белгиледи. Быйыл курулуп жаткан жана пландаштырылган үйлөргө инженердик-техникалык коммуникацияларды куруу үчүн суу менен камсыздоо жана канализация системаларын реконструкциялоо зарылдыгын кошумчалады.

Жолугушууда тараптар уруксат алуу маселелерин жана курулуш компаниялары объектилерди курууда туш болгон кыйынчылыктарды талкуулашты.

ЖИА тарабынан көйгөйлүү маселелер боюнча бир катар сунуштар киргизилди, анын ичинде инженердик-техникалык коммуникацияларга кошулуу үчүн зарыл шарттарды түзүү, керектүү уруксаттарды алуу мөөнөттөрүнө басым жасалды. Калаа башчы жергиликтүү бийлик бул багыттагы көйгөйлөрдү чечүү үчүн бардык күч-аракеттер жумшала турганын билдирди.

Шаардын инфраструктурасын өнүктүрүүгө салым кошуп жаткан бардык мекеме-уюмдар менен биргеликте иштөө жергиликтүү өз алдынча башкаруу органдарынын негизги милдети экендиги өзгөчө баса белгиленди. Бирок, компаниялар курулуш иштерин баштоодон алдын курулуп жаткан объектилердин мыйзамдуулугуна көңүл буруп, эрежелерди сакташы керектиги айтылды.

Бүгүн, 8-февралда Ош шаарында 2022-жылдын жыйынтыгын чыгарган коллегиялык жыйында Ош шаарынын мэриясынын бир катар токтомдорун аткарбагандыгы жана эскертүүлөрдү четтетпегендиги үчүн айрым муниципалдык кызматтардын, шаардык башкармалыктардын жетекчилерине тартиптик жаза берилди.

Тактап айтканда:

- Ош шаарынын мэриясынын алдындагы көп тармактуу “Үй-бүлөгө жана балдарга жардам берүү борборунун” жетекчиси Н.Ж.Эштаевага сөгүш жарыяланды;

- Ош шаардык муниципалдык менчик башкармалыгынын башчысы С.Төрөбек уулуна каттуу сөгүш берилди;

- “Керме-Тоо” МАБ жетекчиси Ж.Ж.Сактановго каттуу сөгүш жарыяланды;

- Турак жайды камсыздандыруу боюнча милдеттерин аткарбагандыгы үчүн №40 Королев, №42 “Керме-Тоо”, №26 Токтогул Сатылганов, №2 Карл Маркс, №4 Киров, №6 Макаренко атындагы мектептердин директорлоруна чара көрүү боюнча Ош шаардык билим берүү башкармалыгынын башчысына сунуш берилди.

- Ош шаарынын мэриясынын токтомдоруна ылайык мамлекеттик жана муниципалдык кызматтарды көрсөтүү процесстерин санариптештирүү жана автоматташтыруу боюнча иш-чаралардын аткарылбагандыгы, ошондой эле “Инфодокс” электрондук документ жүгүртүү системасына кошулбаганы үчүн Ош шаардык мамлекеттик дезинфекциялык станциясынын башкы дарыгерине карата тиешелүү чараларды көрүү жөнүндө Кыргыз Республикасынын Саламаттык сактоо министрлигине сунуштама жөнөтүлдү.

Бүгүн, 8-февралда Ош шаарында 2022-жылдын жыйынтыгын чыгарган коллегиялык жыйын болуп өттү. Иш-чарага Кыргыз Республикасынын Министрлер Кабинетинин Төрагасы Акылбек Жапаров, Ош шаарынын мэри Бакытбек Жетигенов, Ош шаардык кеңешинин төрагасы Салман Назылбеков, шаардык мекеме-ишканалардын муниципалдык кызматтардын жетекчилери катышты.

Иш-чаранын жүрүшүндө Министрлер Кабинетинин Төрагасы Акылбек Жапаров технологиялык өнүгүү доорунда Ош шаары өнүгүүдө болуп, ошол эле учурда тарыхый макамын сактап, Ош Фергана өрөөнүндөгү ири үч шаардын бири катары тийиштүү талапка жооп бериши керектигин белгиледи.

"Шаар куруунун деталдуу планын иштеп чыгуу боюнча ишти кыска мөөнөттө иштеп чыгып, ошондой эле маанилүү инфраструктуралык милдеттерди чечүү зарыл.

Алардын ичинен негизгилери:

- калкты ичүүчү таза суу менен камсыздоо;

⁃ тыгындардын пайда болушуна алып келген транспорттук айрылыш жолдордун жоктугу;

⁃ шаардын бюджетин пландаштыруу маселелери, бул өнүгүүнүн негизги багыттарынын приоритеттеринин жоктугуна алып келет.

Эң негизгиси, көмүскө экономиканын деңгээлин төмөндөтүү керек, андан соң “көмүскө” түшкөн каражаттар шаардык бюджетке багытталат”, - деп белгиледи Акылбек Жапаров.

Коллегиянын алкагында Ош шаарынын мэри Бакытбек Жетигенов шаардык инфраструктураны өнүктүрүү боюнча пландар тууралуу маалымат берип, кыска жана узак мөөнөттүү мезгилге карата иштин негизги приоритеттерин белгиледи.

"Учурда Ош шаарынын мэриясынын жумушчу тобу тарабынан Ош шаарын 2023-2026-жылдарда социалдык-экономикалык өнүктүрүү программасынын долбоору боюнча активдүү иштер жүргүзүлүп жатат. Программаны иштеп чыгууга Ош мамлекеттик университетинин адистери тартылып, креативдүү технологияларды киргизүү, Ош шаары менен достук байланыш түзгөн чет өлкөлүк шаарлардын, башка өнүккөн шаарлардын өнүгүү тажрыйбалары программага киргизилип, Ош шаардык Кеңешинин кароосуна жакынкы күндөрдө сунушталат. Ошону менен бирге социалдык чөйрөгө, атап айтканда билим берүүнүн сапатын жогорулатууга, республикалык бюджеттин капиталдык салымынын эсебинен курулуп жаткан мектептердин курулушун аяктоого өзгөчө көңүл бурабыз. Мындан тышкары үстүбүздөгү жылы курулуп жаткан 4 бала бакча пайдаланууга берилет, ошондой эле 1 жаңы бала бакча курулат", - деп билдирди мэр.

Ошону менен бирге Б.Жетигенов шаардын башкы көйгөйү катары жашоочуларды таза суу менен үзгүлтүксүз камсыз кылуу маселеси тураарын белгиледи.

“Жаан жааган мезгилде Ак-Буура дарыясындагы суу ылайланып, шаарга таза суу берүү токтотулуп жаткандыгы чоң көйгөйдү жаратууда.

Бул маселени чечүү боюнча биз 3 этаптуу иш алып барабыз:

1-этапта февраль, март айынын ичинде эски скважиналар реконструкцияланып, жаңы скважиналар курулат;

2-этапта июнь айынын аягына чейин сыйымдуулугу 6000 м3 болгон 4 суу кампасы курулуп бүтөт;

3-этапта Азия Өнүктүрүү Банкы тарабынан узундугу 2400 метр болгон “Данги” участкасына дамба куруу менен 2 канаттуу (1200 мм труба менен) суу линиясы тартылат.

Мындан сырткары Мады суу алуучу станциясын реабилитациялоо боюнча инвесторлор менен сүйлөшүүлөр жүрүп жатат. Шаар калкынын өсүшү менен саркынды сууларды тазалоочу станциянын III комплексин куруу зарыл болуп жатат. Долбоор толук даярдалып, Европа Өнүктүрүү жана Реконструкциялоо банкына сунушталды", - деди шаардын мэри.

Мындан тышкары, мэр бир катар келечектүү долбоорлорго токтолду:

- шаардын калкын электр энергиясы менен камсыз кылуу максатында Даңги, Ак-Буура дарыясынын жана Папан суу сактагычынын участокторунда чакан ГЭСтерди куруу мерчемделип жатат;

- калаа тургандарын кыш мезгилинде жылуулук менен камсыздоо максатында кубаттуулугу 10-12 Мватт электр энергиясын чыгаруучу жана ысык суу менен камсыздоочу чакан жылуулук электр борборун куруу республикалык бюджеттин эсебинен пландаштырылууда;

- Шаардагы көчө тыгындар маселесин чечүүгө дагы олуттуу көңүл бурулат. Бүгүнкү күндө Бишкек-Ош жолунун 660-км аралыгындагы “Т” кесилишинен Ош шаарына түз кирүүчү жолду куруу зарыл. Жолду реконструкциялоо үчүн алдын ала эсептөөлөр боюнча 122,0 млн.сом акча каражаты талап кылынат. Шаардагы Керме–Тоо кичи районундагы “Барсбек каган” кесилишине эстакадалык көпүрө куруу пландалган. Унаа жолдорунун кесилиштерине жөө адамдар жер үстүнөн өтүүчү 2 өтмөктү республикалык бюджеттин эсебинен, ошондой эле 2 өтмөктү жергиликтүү бюджеттин эсебинен куруу пландаштырылууда;

- табигый таштан тротуарларды куруу багытында таш кесүүчү заводду куруу (тротуардык брусчаткаларды даярдоо) каралган;

- 3-троллейбус линиясын куруу, электр автобустарын сатып алуу, коомдук транспорттун ар бир бирдигине навигаторлорду орнотуу;

- асфальт-бетон заводун лизинг жолунда куруу максатталган. Заводду куруунун жалпы сметалык наркы 160,0 млн. сомду түзөт.

- Ош облусунун Кара-Суу районуна караштуу Кызыл-Кыштак айылдык округундагы жалпы 440,0 га жер аянтына жана Ош шаарынын аймагына кире беришиндеги Кара-Суу районунун Нариман айыл аймагына караштуу 32 гектар жер аянтына “Ош-Сити” кичи шаарчаларын куруу пландаштырылган;

- жерлерди трансформациялоо боюнча иш-чаралар аяктагандан кийин Кара-Суу районунун Шарк айыл өкмөтүнө караштуу 300 га жерге мөмө-жемиш базарын жана автобекет куруу каралып жатат.

Бүгүн, 8-февралда Ош шаарында 2022-жылдын жыйынтыгы боюнча коллегиялык жыйын болуп өттү. Иш-чарага Кыргыз Республикасынын Министрлер Кабинетинин Төрагасы Акылбек Жапаров, Ош шаарынын мэри Бакытбек Жетигенов, Ош шаардык кеңешинин төрагасы Салман Назылбеков, шаардык мекеме-ишканалардын жана кызматтардын жетекчилери катышты.

Коллегиянын алкагында Ош шаарынын биринчи вице-мэри Марс Исаев социалдык-экономикалык көрсөткүчтөр боюнча маалымат берип, Ош шаарында 2022-жылдын январь-декабрында экономиканын өсүү темпи турукташып, негизги макроэкономикалык көрсөткүчтөр боюнча жетишкендиктер жаралганын белгиледи.

“Үстүбүздөгү жылдын жергиликтүү бюджетинин көлөмү 2,5 млрд. сомду түзүп, өткөн жылдагы жергиликтүү бюджеттин көлөмүнө салыштырмалуу 900 млн. сомго көбөйгөн.

Өнөр жай ишканалары тарабынан 2022-жылдын январь-декабрында 6 млрд. 72 млн. сомдук продукция өндүрүлүп, 2021-жылдын январь-декабрына карата физикалык көлөмдүн индекси 90,5 пайызды түзгөн.

Айыл чарба продукциялары 1 млрд. 336 млн. сомдук өндүрүлүп, физикалык көлөмдүн индекси 87,5 пайызды түзгөн. Шаардын чарба жүргүзүүчү субьектилери тарабынан көрсөтүлгөн рыноктук тейлөөлөрдүн көлөмү 2022-жылдын январь-декабрында 90,3 млрд.сомду түзүп (2021-ж. 72,3 млрд. сом), 2021-жылдын январь-декабрына салыштырмалуу 4,9 пайызга, же 4,2 млрд. сомго жогорулаган.

2023-жылдын 1-январына карата жумуш издеп, иш менен камсыз кылуу мамлекеттик органында каттоодо турган жумушсуз калктын саны 5551 адамды (2022-ж. 6162 адам) түзүп (анын ичинен аялдардын саны 2672 адам), 2022-жылдын тийиштүү күнүнө салыштырмалуу 9,9 пайызга, же 611 адамга, ал эми катталган жумушсуздардын саны 3065 адамды (2021-ж. 3356 адам) түзүп, салыштырмалуу 8,6 пайызга, же 302 адамга азайган.

Ош шаарында 2022-жылы 287 жаңы чарбалык субъекттер катталып, 1872 жаңы жумуш орундары түзүлгөн.

Бажы статистикасынын маалыматтарынын негизинде шаардын тышкы соода жүгүртүүсү 2022-жылдын январь-ноябрында 316,2 млн. АКШ долларын түзүп (26,5 млрд. сом), 2021-жылга салыштырмалуу 18,0 пайызга көбөйдү. 2022-жылдын январь-декабрь айларынын жергиликтүү бюджетинин аткарылышы трансферттерди жана атайын каражаттарды кошкондо жеткирилген план 2 млрд. 294,2 млн. сом болсо, аткарылышы 2 млрд. 296,9 млн. сомду түзүп, 2,7 млн. сомго көп, же 100,1 пайызга аткарылган.

Өткөн жылы камсыздандыруу боюнча жеткирилген план 2 млрд. 236,1 млн.сомду түзгөн болсо, аткарылышы 2 млрд. 463,5 млн. сомду түзүп, же болбосо 110,2 % аткарылып, планга карата 227,4 млн. сомго ашыгы менен жыйналды, 2021-жылдын тийиштүү мезгилине салыштырмалуу 758 млн. сомго көп жыйналып, өсүү ыргагы 144,4 % түздү. 2022-жылдын жыйынтыгы менен Ош шаарынын бюджетинин чыгаша бөлүгү 94,9 % аткарылып, такталган план 2 млрд. 294 млн. сом болсо, аткарылганы 2 млрд. 177 млн. сомду түзгөн. 2022-жылы жергиликтүү бюджеттен үлүштүк каржылоо принциби аркылуу муниципалдык аймактык башкармалыктар, мекеме-ишканалар жана жарандар тарабынан жалпысы болуп 178 долбоор ишке ашырылып, бул долбоорлорду ишке ашырууга жергиликтүү бюджеттен 42,8 млн. сом бөлүнүп берилсе, калктын кошкон өздүк салымы 43,4 млн. сомду түзгөн.

Негизги капиталга инвестицияны өздөштүрүүнүн деңгээли 2021-жылдын январь-декабрына салыштырмалуу 1,9 пайызга көбөйүп (салыштырмалуу баада), 7 млрд. 549,0 млн. сомду (2021-ж. 6 млрд. 770,0 млн.сом) түзгөн, же 779 млн. сомго көбөйгөн. Жергиликтүү бюджеттен Ош шаарынын мэриясынын капиталдык курулуш башкармалыгына 279,3 млн. сом, республикалык бюджеттин капиталдык салымдар беренесинен 80,0 млн. сом бөлүнүп, 2 бала бакча, 1 орто мектеп, 1 ФАП, 3 балдар аянтчасынын курулуштары бүткөрүлүп, пайдаланууга берилди.

Жергиликтүү бюджеттен “Ош шаардык жолдор” муниципалдык ишканасына шаардын жолдорун оңдоп-түзөө иштерине 260,2 млн. сом, республикалык бюджеттен 148,9 млн. сом акча каражаты бөлүнүп, негизинен тротураларды куруу жана оңдоо иштери жүргүзүлдү. Жыл ичинде республикалык бюджеттин эсебинен 148,9 млн. сом акча каражатына 11 көчөнүн 22 км, ал эми жергиликтүү бюджеттин эсебинен 27,8 млн. сом акча каражатына 7 көчөнүн 7 км аралыктагы тротуарларынын курулушу жүргүзүлүп, бүгүнкү күнгө карата 18 көчөнүн тротуарынын курулушу бүткөрүлсө, калган көчөлөрдун тротуарларын куруу иштерин быйылкы жылы жүргүзүү пландалууда. 2022-жыл ичинде 7,4 км жолдор асфальтталган”, - деп белгиледи М.Исаев.

Ош шаарынын мэриясы Ош шаарын 2023-2026-жылдарга социалдык-экономикалык өнүктүрүү жана калкты социалдык жактан коргоо программасынын долбоорун коомдук талкууга коет.

Андыктан шаардын өсүп-өнүгүүсүнө жана келечек муундардын татыктуу жашоосуна кайдыгер карабай, программанын ар бир иш планына өзүңүздөрдүн ой-пикирлериңиздерди билдирип кетүүгө чакырабыз.

Ой-пикириңиздерди Ош шаарынын мэриясынын социалдык тармактардагы баракчалары аркылуу калтырсаңыздар болот.

Бүгүн, 3-февралда Ош шаарынын мэри Бакытбек Жетигенов Курманжан-Датка муниципалдык аймактык башкармалыгынын жашоочулары менен жолугушту. Жолугушуунун жүрүшүндө тургундарга 2022-жыл ичинде ар кайсы тармактарда аткарылган иштер боюнча маалымат берилди. Андан соң жарандардан суроолор жана кайрылуулар кабыл алынып, орун алган көйгөйлөр боюнча өздөрүнүн суроо-талаптары айтылды.

Алсак, бир катар алыскы кичи райондордо инфраструктураны өнүктүрүү, анын ичинде эски электр мамыларын алмаштыруу, жолдорду оңдоо жана асфальттоо, таза суу менен камсыздоо, бала бакча куруу, мектептердин жанына жөө адамдар өтүүчү өтмөктөрдү орнотуу, жеке мончолордун газ түтүктөрүнө фильтрлерди орнотуу, балдар аянтчаларын жана “Асан-Үсөн” бала бакчасына кошумча имарат куруу маселелерин мэрге айтышты.
Ошондой эле, Озгур айылына каттаган №107 жана 109-маршруттук кичи автобустардын кыймылын жөнгө салуу, көп кабаттуу үйлөрдүн чатырын жылытуу жана оңдоо иштери тургундарды кызыктырды. Жарандардын кайрылууларын аткаруу боюнча жеринде тиешелүү кызматтардын жетекчилерине тапшырмалар берилди.
Ош шаардык жолдор башкармалыгынын быйылкы жылдагы бюджетинин долбооруна бир катар маселелер киргизилет.
Мындан сырткары, шаардагы бардык кичи райондорго быйылкы жылы жаңы электр мамычалары орнотулуп, “Асан-Үсөн” бала бакчасына кошумча имарат куруу да пландалып жатканын калаа башчы белгиледи.
Кароо-сынактын шарттары:
- кароо-сынак эки багытта өтөт, ыр жана эссе жазуу аркылуу;
- кароо-сынактын катышуучуларынын жаш курагы чектелбейт;
- жөнөтүлгөн ыр же эссе мамлекеттик тилде болууга тийиш;
- ырды кабыл алуу 17-февралдан токтойт, ал эми жыйынтыгы 21-февралда чыгат;
- жөнөтүлгөн ырлар мурда эч жерде жарыяланбаган болуусу шарт;
- эссе жазуу 17-февраль, саат 16:00дө Ош шаарынын мэриясынын жыйындар залында болот;
- жөнөтүлгөн ырлар мурда эч жерде жарыяланбаган болуусу шарт;
Жеңүүчүлөр кызыктыруучу белектер жана акчалай сыйлыктар менен сыйланат. Эң мыкты жазылган эссе “Ош шамы” гезитине жарыяланат. Ал эми жазылган ырлар жылдын аягында атайын жыйнак болуп Ош шаарынын мэриясынын алдындагы мамлекеттик тил боюнча комиссиясы тарабынан чыгарылат. Андан сырткары Ош шаарынын мэриясынын расмий баракчасына жарыяланат.
Ош шаарынын мэриясынын атынан жооптуулар:
- Ош шаарынын мэриясынын алдындагы мамлекеттик тил боюнча комиссиясы;
Кароо-сынак боюнча суроолор болсо, Ош шаарынын мэриясынын алдындагы мамлекеттик тил боюнча комиссиясынын катчысы, Ош шаарынын мэриясынын мамлекеттик тил боюнча жооптуу адиси Ч. Зулпукар уулуна (0556222335) байланыш номери аркылуу кайрылсаңыздар болот.
Жазылган ыр төмөнкү дарек боюнча кабыл алынат:
Этот адрес электронной почты защищен от спам-ботов. У вас должен быть включен JavaScript для просмотра.
Бүгүн, 3-февралда Ош шаарынын мэри Бакытбек Жетигенов эл аралык уюмдардын жана фонддордун, каржы институттарынын, бизнес-ассоциациялардын жетекчилери, өкүлдөрү менен жолугушту.
Жыйындын алкагында Ош шаарын 2023-2026-жылдарга өнүктүрүү программасынын долбоорунун презентациясы болуп, аны ишке ашыруунун алкагында биргелешкен иш-аракеттер талкууланды.
Эл аралык уюмдардын жана фонддордун, бизнес-ассоциациялардын жетекчилери келечектүү багыттардагы иштери, анын ичинде консультациялык жана гранттык жардам көрсөтүү, билим берүү, экология, туризм, айыл чарба, калкты иш менен камсыз кылуу, тарыхый, маданий жана эс алуу объектилеринин инфраструктурасын реконструкциялоо долбоорлору, бизнес чөйрөнүн өкүлдөрү үчүн гранттар жана жергиликтүү өндүрүүчүлөрдү колдоо, электр энергияны үнөмдөөчү долбоорлор жана жашыл технологияларды өнүктүрүү, жаштардын бизнес-идеяларын колдоо жаатындагы иш-чаралар тууралуу айтып беришти.
Жыйындын катышуучулары шаарда индустриалдык парк (эркин өнөр жай аймагы) түзүү сунушун киргизип, Бакытбек Жетигенов тарабынан колдоого алынды.
“Ош шаарынын мэриясы калктын кызыкчылыгы үчүн тыгыз жана жемиштүү кызматташууга даяр. Сиздер тараптан айтылган сунуштарга жана демилгелерге биздин эшигибиз ар дайым ачык. Сүйүктүү Ош шаарыбызды чогуу өнүктүрөлү”, - деди мэр.

Ош шаарынын мэри Бакытбек Жетигенов

 

Кайрылуулар

Өнүгүүнүн стратегиялары жана программалары

Пред След

Муниципалдык кызматтардын базалык р…

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2018-жылдын 5-февралы...

Муниципалдык кызматтардын стандартт…

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2017-жылдын 9-февралы...

2018-2040-жылдарга Кыргыз Республик…

2018-2040-жылдарга Кыргыз Республикасын туруктуу өнүктүрүүнүн “Таза коом – Жаңы доор” стратегиясынын долбоору

2018-2040-жылдарга Кыргыз Республикасын туруктуу өнүктүрүүнү...

Өкмөттүн программасы "Жаңы доо…

Өкмөттүн программасы "Жаңы доорго - кырк кадам"

Өкмөтүнүн программасы "Жаңы доорго - кырк кадам"

« Март 2023 »
Пн Вт Ср Чт Пт Сб Вс
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    
FB
ОК

Фоторепортаждар

Пред След

Төрөт үйүндөгү төрөт бөлүмү оңдоодо…

Төрөт үйүндөгү төрөт бөлүмү оңдоодон өткөрүлөт

Бүгүн, 13-февралда Ош шаарынын мэри Таалайбек Сарыбашов шаар...

Оштогу автоунаа базарындагы тамакта…

Оштогу автоунаа базарындагы тамактануучу жайлар иретке келтирилип, автоматтык тосмо орнотулат

Бүгүн, 13-февралда Ош шаарынын мэри Таалайбек Сарыбашов муни...

Автотыгында азайтуу максатында “Бар…

Автотыгында азайтуу максатында “Барсбек каган” айланпасы эки тарабынан кеңейтилет

Ош шаарындагы Барсбек кагандын эстелиги орнотулган айланпа к...

Видеорепортаждар

Сурамжылоо

Сиз жашаган аймактан таштанды өз убагында алынабы?

Ооба - 53.8%
Жок - 23.1%
Ар кандай - 23.1%

Добуштардын саны:: 26
window.addEvent('domready', function() { $$('.hasTip').each(function(el) { var title = el.get('title'); if (title) { var parts = title.split('::', 2); el.store('tip:title', parts[0]); el.store('tip:text', parts[1]); } }); var JTooltips = new Tips($$('.hasTip'), { fixed: false}); });